[tps_header]Schnitzelbankobig 2016, Montag, 8. Februar.[/tps_header]
[tps_title][/tps_title]
Dia Stadtröt Marti Urs, Tomund Doris – händ miar scho besunga
Uf taubi Ohra sind miar z’letscht Johr drunga
Üssri Bitt isch gsi banal amitzli meh Geld für da Sport
Doch das Geld isch ganga ganz an andra Ort
Uf dr Obera Au a tüüri Schranka hät dr Bürger zahlt
Aber d’Sportalag isch gottverteckel immer no dia alt
Wenn Seppli Blatter stirbt – und kunnt vors Himmels Tor
Doch dia Tür isch gschlossa das kunnt halt öppa vor
Um Ilass möcht dr Sepp bim Petrus döt begehra
Dr Petrus meint nu trocha tuan di zum Tüfel schära
I will here make a better place – kasch das am Gott bestella
Will dr Tüfel in der Höll dä hät mi au nit wella
Pizokel Kligga
Auf der nächsten Seite: Nepomuk Gaschi.
[tps_title][/tps_title]
As isch beruigend für jeda Depp
Für jeda Seich gits schu as Äpp
News checka, poschta, ganz bequem
Nu keis für’s Khurer Verkehrsproblem
Fifty shades of grey muasch gseh ha
Noch der Folterkammer direkt in d’Reha
So dreckig wia dä Sex bi dena
Isch nu a VW bim Moscht verbrenna
Schkirenna am Fernseh isch an Hit
Beschtzyt für d’Schwyz, i fiabara mit
I hüpfa wia wild bi miar dahei
Jetzt startet dr Nögscht mit Nummara zwei
Nepomuk Gaschi
Auf der nächsten Seite: Churer Schnudergoofa
[tps_title][/tps_title]
Will d’Jäger z’wenig Reh und Hirsch für ihn verschossa händ
Hät z’Khur a Beizer Hirschpfeffer mit Schwiifleisch g’schtreckt – am End
Au bi däm neua Fleischskandal isch üsers Urteil mild
Miar findend das genau wia er, ganz eifach „halb so wild“
Dia neu Talentklass z’Khur dia hegi Zualauf, dass es kracht
Drum hät ma döt ab sofort au an Altersgrenza gmacht
Das isch natürli fies, dass eina mit so viel Talent
Wia üsra Heinzli Brand mit einasechzig nümma wänd
So Fruscht steckt er ganz locker weg – hät sich neu orientiart
Und blitzschnell für ds aabrochna Joohr drei neui Ziel fixiart
Meh suufa, absolut null Sport, kei Zit für d’Silvia
Lägg miar, das sind doch z’erscht Mol Ziel, wo er erreicha khaa
Churer Schnudergoofa
Auf der nächsten Seite: Brambrueler
[tps_title][/tps_title]
Mini Schwiegermuater isch no fit im Schritt
Doch im Usgang haisst halt maischtens nur „igitt“
Ziemlich brünschtig tuat sie jetz scho umalira
Dia nögscht Silvesternacht gäng sie nach Köln go fiira
Sit kurzem tauch i und as gfallt mer immer meh
Am allerliebschta mach i das im Zürisee
Döt tauchi ab in wunderbari neui Welta
Ma gseht döt Zürcher wo nid schnorren – das isch selta
Krankakassaprämia sind exhorbitant
Drum wird bi Pensioniarta gschpart das isch bekannt
Zum Biespiel khönns Proschtata nümm loh opariara
Si händ jo eh dr ganz Tag Zyt zum uriniara
Brambrueler
Auf der nächsten Seite: Schnitzel Punk
[tps_title][/tps_title]
Dr Maa luagt für da Stutz und d’Frau für Huus und Kind
Alli främda Fötzla söllend bliiba, wo si sind
Für strammi SVP’ler sind das dia wohra Wert
Usserd bi Martullos, do stoht dr Tschingg am Herd
Dr Wialand sait zum Roger: Pass uf doba uf dr Heid
Wennd nid waisch, wo Stüüra zahla, gisch miar aifach Bscheid
I waiss an Ort ganz ohni Träum vora Olympiada
Im Liachtastei laufsch niamols Gfohr, a sona Furz uszbada
Dr James Bond sait zum Ursli mit siner grossa Schälla:
Sona grossi Schälla hätt i au immer wella
Dr Ursli sait zum Bond: I macha diar a Gfalla
Kasch d’Schälla ha für aini vo dina heissa Schnalla
Schnitzel Punk
Auf der nächsten Seite: Les Miserables
[tps_title][/tps_title]
Der Toni Brunner will nümm si, Präsident vur SVP
Der Unfall Müller het au gnuag und au der Darbellay
Bi rechts do isch der Neu schu gsetzt
Do meint der Gion us Truns
Wenn die mim Albert Rösti kömmen, heisst dä bi üs Maluns
Bald wird ma uf am Postplatz z’Khur nia meh Pöstler gseh
Au d’Bäum sind gfällt – Kreisel furt, kei Schua vum Bata meh
Dafür wird vum Bestattigshus Caprez dä Platz umworba
Will jeda Tag sig döt wäg Hunger a Linksabbüger gstorba
Der Wildwechsel bi Trimmis duss koscht sicher zwenzg Milliona
Mit Fotifalla will ma teschta, ob sich das Geld tuat lohna
D’Nacht bricht a, a Foti zeigt, ma hett sich’s könna schpara
A Blutta wo ds andra Ufer suacht zum sich bim Öpfelwuahr go paara
Les Miserables
Auf der nächsten Seite: Plättlirutscher
[tps_title][/tps_title]
As goht nid lang und d’Gschtell sind ganz leer
D’Filiala im Unterland freuen sich so sehr
Sie schicken alli iri alta Ladahocker
Denn z’Khur mit 50% verkaufens alles locker
Marlboro, Parisienne oder a Jointli, alles das isch möglich
Uf jedem Päckli stoht jo druf, das isch tödlich
Miar sind dr Meinig, as sött no a Änderig geh
Z’Symbol uf dr Giftfläscha wär jetzt z’Zaicha vum VW
Dr Remo Stoffel wett in Vals es Hotel baua
Ais wo dia ganzi Berglandschaft tuat versaua
Denn muasch au nümma flüha über ds grossa Wasser
Wenn wettisch Feria macha ima Wolkakratzer
Plättlirutscher
Auf der nächsten Seite: d’Wasserratta
[tps_title][/tps_title]
Dr Mischter Beller wird sicher nümma heller
Au bir Irina – dr IQ tüüf im Keller
As tuat üs leid miar wänd eui nit belüüga
A fätza gschiider isch jedi Schtubaflüüga
Dr schönschti Alpabart tüand’s nögscht Johr nüma suacha
Dia schtolza Träger sind wia varuggt am Fluacha
Händ alli Angscht sie müassend bald in d’Kischta
Mit dena Bäärt gsehn’s uus wia Terrorischta
Rooming-Gebühra und gratis telefoniara
Koschtalos im Puff sich loh massiara
Jetz wänd miar eui eifach öppis säga
Hörend uf dia Asylanta pfläga
d’Wasserratta
Auf der nächsten Seite: Boccalini
[tps_title][/tps_title]
Dr Martin Jäger und dr Blatter sitzand zemma im an Boot
Wo langsam ufna Wasserfall zua goht
Rasch wird a Käpten gwählt wo dr Kurs jetzt söt bestimma
Es gwinnt dr Blatter bi zwei Enthaltiga mit 22 Stimma
Dr Longchamps isch genial mit sina Wahlprognosa
Vu hundert gönd dia meischta voll in d’Hosa
Das isch kei Wunder – miar hend üs informiert
Dä het schiints 20 Johr lang in Disentis studiart
Dr Obama frogt bi sinam Gheimdienscht no
Isch’s wohr as git z’Europa a Nilpferd immana Zoo
Nei sait dr Gheimdienscht – miar ghörend im Funkgrät grad
D’Frau Merkel nimmt im Kanzleramt as Fango-Bad
Boccalini
Auf der nächsten Seite: Buccas Bletschas & Ils Quacs da Domat
[tps_title][/tps_title]
Us der SVP het ma si gschickt
Miar wenn nit sega, dass das an Felsberg ligt
Doch de Gedankaa wär gwüss nit so falsch
Bim Nama Felsbeerg kriagt an Emser so an Hals
Als Bundesrötin immer uf zack
Sorgt si im Land für Klatsch und Tratsch
Und au modisch schlot si gwüss hochi Wella
Het sie doch Ähnlichkeit mit üsera Uriella
Fachlich, so seit mas, absolut der Hit
Ob mol im Usland oder in der Schwiiz
In irrer Karriera het si politisch mänges bewegt
Und zum Teil mit irrem Gsicht d’Lüüt verschreckt
Buccas Bletschas & Ils Quacs da Domat
(Symbolbild: Schnitzelbankobig 2015)