Kurz vor dem Wochenende gibt ab sofort auf GRHeute ein paar Gedichte, Geschichten und Sonstiges von unserem Musikredaktor Chris Bluemoon. Stöbern, lesen, kopieren oder einfach auch nur geniessen. Heute das Stück: Meh si.

Hallo, was lauft? I wörf dr Fernseh jetzt denn zum Fenschter us.
Immer nu Kriag, immer nu Hass. Und i han gruusig dr Blues.
Luag üs ah, miar sind ufem Mond gsi, doch kennend üsa Nochber nid.
Kei Wunder bsuachend üs d Aliens nid, hemiar uf dera Kugla nu Striit.
Es isch wia en Alptraum, längschtens vor 12i gsi.
Doch uf jeda Schritt ufanand zua, folgt so a Letargie.

Säg mr wo isch d Liabi hi?
Sind miar nid amol fascht scho so wia Gschwüschterti gsi?

Miar könntend alli so viil meh si.
Würemer macha anstatt nu reda
miar könntend alli nöcher am Meer si
würemer zämastah anstatt jeda gega jeda
miar könntend ali so viil meh si
würdemer us üsa fähler lerna
Miar könntend alli so viil meh si.
Würdemer nocher ko, anstatt üs immer wiiter z entferna.

D Ressourca gönnd z End, doch es kümmert üs nid.
Solangs für üs no jeda Tag Fleisch ufa Teller git.
Miar sind uf schlächti Deals igstiiga und d Industrie hed üs ir Hand.
D Idee vonera gsunda Erda isch nüma relevant.
Handpuppa an dr Macht, doch an Comebacks z glauba, git miar Kraft.
Kumm miar gäbend üs a Ruck. Es isch scho fascht gschafft.

Säg mr, wo isch all dia Vernunft hi?
Sind miar nid amol di inteligentischt Läbensart gsi?
Handpuppa an dr Macht, doch an Comebacks z glauba, git miar Kraft.
Kumm miar gäbend üs a Ruck. Es isch scho fascht gschafft.

Keine Artikel mehr